Мешіттеріміз қазақша тілдің қолданыс аясын кеңейтіп, қазақша ғана сөйлейтін бірден-бір қоғамдық институт екен. Мешітке имене бас сұққан кез-келген ұлттың өкілі, қазақы ортаға келгендей күй кешеді. Құлшылықтың алдында күбірлескен жұрт та өзара осы тілде сөйлеседі. Осыны көріп, басқа кертартпа мекемелермен салыстырғанда, мешіттеріміз шаңырақтың иесі кім екенін жамағатқа жақсы түсіндіріп жатыр екен деп ойладым.